Պատանիներ՝
(10-17 տարեկան)
11 Յուլիս → 6 Օգոստոս, 2023
Լեզուին մէջ կատարելապէս թաթխուելու հեռանկարով՝ արեւմտահայերէնը, խօսակցական կամ գրաւոր, պիտի ըլլայ հաղորդակցելու եւ ստեղծագործելու բնական միջոց մը։
Ըստ իրենց տարիքին, պատանիները պիտի մասնակցին զանազան աշխատանոցներու, ինչպէս՝
- երաժշտական,
- թատերական եւ մարմնային արտայայտութեան,
- կերպարուեստի եւ ձեռային աշխատանքներու,
- տեսալսողական ստեղծագործութիւններու,
- ստեղծագործական գրութեան եւ գրականութեան ընթերցումի,
- աշխարհի յայտնաբերման (բնական գիտութիւններ, աշխարհագրութիւն…),
- խաղերու,
- խոհարարութեան,
- մարզական խաղերու,
- եւ շատ աւելին...։
Իւրաքանչիւր մասնակից դերակատարներէն մէկն է ծրագրին եւ արձանագրուած բոլոր աշխատանոցներուն մասնակցելով՝ պատասխանատուութիւն կը ստանձնէ ինքն իրեն, նաեւ միւս մասնակիցներուն հանդէպ։
Մասնակիցներու նախաձեռնութիւնները կարեւոր դեր կը խաղան մեր մօտեցումի սահմանումին մէջ։
Որոշ աշխատանոցներ առիթ պիտի տան միջ-տարիքային փոխյարաբերութիւններ հաստատելու։
