Բարի եկած էք Զարմանազան 2022

«Զարմանազան» արեւմտահայերէնով ամառնային ծրագիրը այս տարի տեղի պիտի ունենայ Ֆրանսայի Ալպեան լեռնային շրջանին մէջ,
10-էն 17 տարեկաններուն եւ ուսուցիչներուն համար՝ Յուլիս 11-էն մինչեւ Օգոստոս 6։
18-էն 24 տարեկաններուն համար` Յուլիս 8-էն մինչեւ Օգոստոս 7։

«Գալուստ Կիւլպէնկեան» Հիմնարկութեան Հայկական Բաժանմունքը 2017-ին ձեռնարկեց «Զարմանազան» մանկավարժական յայտագիրին, որպէս արեւմտահայերէնի վերաշխուժացման ծրագիրի մէկ բաժինը։ Ան կազմակերպուած է Լիոնի Հազար ու մէկ աշխարհ ընկերակցութեան եւ Փարիզի Արեւելեան լեզուներու եւ քաղաքակրթութիւններու Ազգային Հիմնարկին համագործակցութեամբ։

«Զարմանազան» ծրագիրը վաւերացուած է Ֆրանսայի Երիտասարդութեան եւ մարզանքներու նախարարութեան կողմէ։