Վայրը

Իր հանքաջրային ակերով ծանօթ այս փոքրիկ քաղաքը կը գտնուի Օվերնեըի Շրջանային Զբօսայգիին սրտին մէջ, Գլերմոն-Ֆերան քաղաքին մօտերը, Լիոնէն մի քանի ժամ հեռաւորութեան վրայ։ Այս հրապուրիչ եւ գեղեցիկ վայրը նախագծուած է յատկապէս երախաներ ընդունելու համար։

Ֆրանսուա եւ Սիւզոն գեղջկական ամարանոցը, ուր պիտի իջեւանենք, կը գտնուի քաղաքի կեդրոնէն ոչ շատ հեռու զբօսայգիի մը մէջ։ Ննջարանները նախատեսուած են 2-էն 8 հոգիի համար, ունի ընդարձակ հասարակաց սրահներ եւ լայնեղ պատշգամբ։ Պատկերացում ունենալու համար՝ այցելեցէք ամարանոցին կայքէջը։

Ճաշերը պիտի պատրաստուին «Զարմանազան»-ի մատակարար խմբակին վարպետ խոհարարին կողմէ եւ պիտի հրամցուին ամարանոցի ճաշասրահին մէջ, ընտանեկան մթնոլորտի պայմաններով։ Մաքրութեան եւ լուացքի սպասարկութիւն պիտի մատուցուի կանոնաւոր կերպով։

Bottom Banner